Fransiya terma jamoasi hujumchisi Kilian Mbappe Avstriya bilan guruh bosqichining birinchi turida olgan jarohati haqida gapirdi.
"O‘sha uchrashuvda yuzimga zarba berilganda, nima bo‘layotganini tushunmadim. Darvozabonga qaraganimda va uning yuzini ko‘rganimda nimadir bo‘layotganini angladim. Kiyinish xonasiga kelganimda, uyga ketyapman deb o‘yladim. Ammo qolganimdan xursand bo‘ldim. Niderlandiya bilan o‘yinni o‘tkazib yuborishga majbur bo‘ldim. Yaxshiyamki, men Polshaga qarshi o‘ynay oldim', - dedi Mbappe.
Yevro-2024 1/8 finali doirasidagi Fransiya va Belgiya uchrashuvi 1 iyul kuni bo‘lib o‘tadi.