“Fiorentina”ning sobiq futbolchisi Marko Nappi Italiya terma jamoasining Yevropa chempionatini tark etishi haqida gapirdi.
Eslatib o‘tamiz, turnirning amaldagi g‘olibi 1/8 finalda Shveysariya terma jamoasiga 0:2 hisobida imkoniyatni boy bergandi.
“Italiya futbolida xorijlik futbolchilar juda ko‘p! Biz yetarlicha ishonch ololmayotgan yosh futbolchilarga ko‘proq e’tibor qaratishimiz kerak.
Italiya bolalar futbolida ko‘p narsani o‘zgartirishi va bolalarimizning yulduz bo‘lishiga yordam berishi kerak.
Men Spallettini ko‘p tanqid qilmagan bo‘lardim, uning to‘laqonli jamoa qurishga vaqti bo‘lmadi", - deydi Nappi.
