Joriy yilning 25-26-oktyabr kunlari “Hilton Tashkent City” mehmonxonasida O‘FA, MOQ va Rossiyaning “Sila International Lawers” xalqaro yuridik kompaniyasi hamkorligidagi “Huquq va Sport” nomli xalqaro kongress bo‘lib o‘tadi.
Unda ma’ruzachilar sifatida xorijning bir qator taniqli sport huquqshunoslari ishtirok etadi. Kongressning asosiy mavzulari quyidagilardan iborat:
• Futbolchilarni ro‘yxatga olish: muammolar va yechimlar;
• Mashg‘ulot kompensasiyasi va birdamlik mexanizmi: joriy sud amaliyoti;
• FIFAning agentlar bilan ishlash qoidalari: dolzarb muammolar va hozirgi holati;
• Futbolchilar shartnomalari: joriy sud amaliyoti.
Kongressda ro‘yxatdan o‘tish to‘lovi 2 530 000 so‘mni tashkil etadi. Mazkur xalqaro tadbir ingliz tilida bo‘lib o‘tadi.
