Fransiyaning "Lion" klubi "Betis" himoyachisi Abner Vinisius transferini e’lon qildi.
Fransuz klubi 24 yoshli braziliyalik futbolchi bilan 5 yilga, 2029 yilning 30 iyuniga qadar shartnoma imzoladi.
Abnerning transferi "Lion"ga 8 million yevroga tushdi. Ispaniya klubi futbolchining keyingi sotuvining 20 foizini oladi.
Chap qanot himoyachisi "Betis" safida 2023 yilning yanvaridan beri o‘ynab, 45 ta o‘yinda maydonga tushdi.
Braziliya olimpiya terma jamoasi a’zosi sifatida Abner Tokio Olimpiadasida oltin medalni qo‘lga kiritgan.
