Angliya terma jamoasining sobiq futbolchisi Gari Lineker Yevropa chempionati reglamentiga o‘zgartirish kiritish taklifi bilan chiqdi.
Inglizning fikricha, qo‘shimcha vaqtni rad etish maqsadga muvofiq bo‘lardi. BBC studiyasida fikr bildirar ekan, Lineker futbolchilar uzoq davom etgan klub mavsumidan keyin Yevropa chempionatiga toliqib kelishayotganiga ishora qildi.
Bunday vaziyatda futbolchilarning 120 daqiqa o‘ynashi jismonan qiyin. Lineker, shuningdek, qo‘shimcha bo‘lim boshlanganda, muxlislar allaqachon penaltilar seriyasini ko‘rishni istashini ta’kidladi.
