Shveysariya terma jamoasining hujumkor yarim himoyachisi Jerdan Shakiri Yevro-2024 chorak finalida Angliyadan uchralgan mag‘lubiyatdan so‘ng o‘z fikrlari bilan o‘rtoqlashdi.
“Ikkala jamoadan ham ajoyib o‘yin. Biz birinchi bo‘lib gol urishga muvaffaq bo‘ldik, ammo Angliya avvalgi o‘yinlarga qaraganda yaxshiroq o‘ynadi. Penaltilar seriyasi hamisha 50/50, inglizlarning asablari kuchliroq bo‘lib chiqdi.
O‘ylaymanki, biz ajoyib turnir o‘tkazdik. Men jamoamiz va o‘yinimiz bilan faxrlanaman. Umid qilamanki, keyingi safar ko‘proq yutuqlarga erishamiz”, - deydi Shakiri.
