Rossiyaning birinchi raqamli tennischisi Daniil Medvedev raqibi bolgariyalik Grigor Dimitrov jarohati sabab musobaqani tark etgach, "Uimbldon"ning chorak finalchisiga aylandi.
Uchrashuv birinchi setda 5:3 hisobida Medvedevning foydasiga hal bo‘layotgan paytda to‘xtatilgan. Unga yordam ko‘rsatilgach, Dimitrov og‘riqli qadam tashladi va darhol o‘ynashdan bosh tortdi.
Chorak finalda Medvedev dunyoning birinchi raqamli tennischisi, italiyalik Yannik Sinner bilan uchrashadi. Rossiyalik tennischi italiyalikka qarshi 11 o‘yinning oltitasida g‘alaba qozondi, ammo so‘nggi beshta uchrashuv, jumladan Avstraliya Ochiq chempionati finali Sinner foydasiga hal bo‘lgan.
O‘tgan yili Medvedev “Uimbldon”da yarim finalgacha yetib borgan va u yerda ispaniyalik Karlos Alkarasga uch setda mag‘lub bo‘lgandi.
Medvedev "Uimbldon" yakkalik bahslarida qatnashgan so‘nggi rossiyalik bo‘ldi.
