Ma’lumki, kecha "Nasaf" Moskvada "Spartak" jamoasiga qarshi o‘rtoqlik uchrashuvida maydonga tushdi. Bellashuv oldidan klub rahbariyati Moskva jamoasi rahbariyati bilan ko‘rishdi.
"Do‘stona va ko‘tarinki ruhda o‘tgan uchrashuv davomida jamoamiz rahbariyati "Spartak" rahbariyatiga o‘rtoqlik uchrashuvi taklifi uchun minnatdorchilik bildirib, ularni ham Qarshiga taklif qilishdi. Shuningdek, kelajakda jamoalar o‘zaro futbolchi almashish, har ikki jamoa murabbiylarining malakasini yanada oshirish uchun ularni yuqori salohiyatga ega jamoalar bazasiga yuborishni kelishib olishdi. Umid qilamizki, yaqin yillarda futbolchilarimiz "Spartak" jamoasida o‘zlarini ko‘rsatib, shu klub orqali Yevropaning nufuzli chempionatlarida ham ishtirok etishadi!", - deyiladi klub rasmiy telegram-kanali bergan xabarda.
