Маълумки, кеча "Насаф" Москвада "Спартак" жамоасига қарши ўртоқлик учрашувида майдонга тушди. Беллашув олдидан клуб раҳбарияти Москва жамоаси раҳбарияти билан кўришди.

"Дўстона ва кўтаринки руҳда ўтган учрашув давомида жамоамиз раҳбарияти "Спартак" раҳбариятига ўртоқлик учрашуви таклифи учун миннатдорчилик билдириб, уларни ҳам Қаршига таклиф қилишди. Шунингдек, келажакда жамоалар ўзаро футболчи алмашиш, ҳар икки жамоа мураббийларининг малакасини янада ошириш учун уларни юқори салоҳиятга эга жамоалар базасига юборишни келишиб олишди. Умид қиламизки, яқин йилларда футболчиларимиз "Спартак" жамоасида ўзларини кўрсатиб, шу клуб орқали Европанинг нуфузли чемпионатларида ҳам иштирок этишади!", - дейилади клуб расмий телеграм-канали берган хабарда.