"Bayer"ning yangi futbolchisi Martin Terye Kicker nashriga bergan intervyusida qo‘shni Fransiyadan Germaniyaga ko‘chib o‘tish haqidagi fikrlari bilan o‘rtoqlashdi.
Shu yozgacha Terye Liga 1ning o‘rtamiyona jamoasi - "Renn" klubi sharafini himoya qildi.
"Mashg‘ulotlarning shiddatliligi meni hayratda qoldirdi. Mashg‘ulotlar va infratuzilma eng yuqori darajada. Transferga qaror qilish oson edi. Bu men uchun yangi vazifani bajarishim uchun ajoyib imkoniyat edi. Yangi liga, yangi madaniyat. O‘tgan mavsumda ikkita chempionlikni qo‘lga kiritgan jamoaga qo‘shilish - faoliyatimdagi katta qadam" - dedi TerYE.
"Bayer" o‘tgan mavsumda bor-yo‘g‘i bitta mag‘lubiyatga uchradi - "Atalanta" bilan Yevropa ligasi finalida (0:3).
"Biz, albatta, liga chempionligini himoya qilishni va Chempionlar ligasida yaxshi o‘ynashni istaymiz. Men imkon qadar tezroq integrasiya qilish uchun barcha sa’y-harakatlarimni qilaman. Men yaxshi futbolchi bo‘lish uchun eng yaxshi yoshdaman va o‘z tajribamga hissa qo‘shmoqchiman. Albatta, men ham maqsadlarda yordam berishni xohlayman", - deya qo‘shimcha qildi "dorishunoslar"ning yangi futbolchisi.
