"Байер"нинг янги футболчиси Мартин Терье Kicker нашрига берган интервьюсида қўшни Франциядан Германияга кўчиб ўтиш ҳақидаги фикрлари билан ўртоқлашди.
Шу ёзгача Терье Лига 1нинг ўртамиёна жамоаси - "Ренн" клуби шарафини ҳимоя қилди.
"Машғулотларнинг шиддатлилиги мени ҳайратда қолдирди. Машғулотлар ва инфратузилма энг юқори даражада. Трансферга қарор қилиш осон эди. Бу мен учун янги вазифани бажаришим учун ажойиб имконият эди. Янги лига, янги маданият. Ўтган мавсумда иккита чемпионликни қўлга киритган жамоага қўшилиш - фаолиятимдаги катта қадам" - деди Терье.
"Байер" ўтган мавсумда бор-йўғи битта мағлубиятга учради - "Аталанта" билан Европа лигаси финалида (0:3).
"Биз, албатта, лига чемпионлигини ҳимоя қилишни ва Чемпионлар лигасида яхши ўйнашни истаймиз. Мен имкон қадар тезроқ интеграция қилиш учун барча саъй-ҳаракатларимни қиламан. Мен яхши футболчи бўлиш учун энг яхши ёшдаман ва ўз тажрибамга ҳисса қўшмоқчиман. Албатта, мен ҳам мақсадларда ёрдам беришни хоҳлайман", - дея қўшимча қилди "доришунослар"нинг янги футболчиси.
