Londonning “Arsenal” klubi darvozaboni Aaron Remsdeyl hozircha hech qayerga ketmaydi.
26 yoshli futbolchi “kanonirlar”ning asosiy tarkibidagi o‘rnini David Rayya jamoaga qo‘shilganidan so‘ng yo‘qotdi. Londonliklar angliyalikni sotish imkoniyatini ko‘rib chiqishga tayyor, biroq u uchun salmoqli summa so‘rashmoqda. Jurnalist Alan Niksonning so‘zlariga ko‘ra, “Nottingem Forest” Remsdeylga qiziqish bildirmoqda, biroq “o‘rmonchilar” “Arsenal”ning 50 million funt sterling (deyarli 60 million yevro) talabini qondira olmayapti.
Balki transfer davri yakunlanishiga yaqinroq poytaxt grandlari rahbariyati Aaron Remsdeylni ijaraga berishga tayyor bo‘lsa kerak - bu holatda "Nottingem Forest" yana darvozabonni o‘z safiga qo‘shib olishga harakat qiladi.
