Лондоннинг “Арсенал” клуби дарвозабони Аарон Ремсдейл ҳозирча ҳеч қаерга кетмайди.
26 ёшли футболчи “канонирлар”нинг асосий таркибидаги ўрнини Давид Райя жамоага қўшилганидан сўнг йўқотди. Лондонликлар англияликни сотиш имкониятини кўриб чиқишга тайёр, бироқ у учун салмоқли сумма сўрашмоқда. Журналист Алан Никсоннинг сўзларига кўра, “Ноттингем Форест” Рэмсдейлга қизиқиш билдирмоқда, бироқ “ўрмончилар” “Арсенал”нинг 50 миллион фунт стерлинг (деярли 60 миллион евро) талабини қондира олмаяпти.
Балки трансфер даври якунланишига яқинроқ пойтахт грандлари раҳбарияти Аарон Ремсдейлни ижарага беришга тайёр бўлса керак - бу ҳолатда "Ноттингем Форест" яна дарвозабонни ўз сафига қўшиб олишга ҳаракат қилади.
