"Manchester Yunayted"da to‘p tepayotgan shotlandiyalik yarim himoyachi Skott Maktominay faoliyatini Londonning "Fulxem" klubida davom ettirishi mumkin. Bu haqda Insayder Fabrisio Romano ijtimoiy tarmoqlar orqali xabar bermoqda.

Jurnalistning so‘zlariga ko‘ra, "bog‘bonlar" futbolchining transferi uchun "qizil iblislar"ga taxminan 24 million yevro taklif qilmoqda. Uning xizmatlariga Turkiyaning top-klublari ham qiziqish bildirmoqda.

Angliya chempionatining o‘tgan mavsumida 27 yoshli shotlandiyalik futbolchi 32 ta o‘yin o‘tkazib, 7 ta gol va bitta golli uzatmani amalga oshirgan.