"Манчестер Юнайтед"да тўп тепаётган шотландиялик ярим ҳимоячи Скотт Мактоминай фаолиятини Лондоннинг "Фулхэм" клубида давом эттириши мумкин. Бу ҳақда Инсайдер Фабрицио Романо ижтимоий тармоқлар орқали хабар бермоқда.
Журналистнинг сўзларига кўра, "боғбонлар" футболчининг трансфери учун "қизил иблислар"га тахминан 24 миллион евро таклиф қилмоқда. Унинг хизматларига Туркиянинг топ-клублари ҳам қизиқиш билдирмоқда.
Англия чемпионатининг ўтган мавсумида 27 ёшли шотландиялик футболчи 32 та ўйин ўтказиб, 7 та гол ва битта голли узатмани амалга оширган.
