«Benfika» Joau Feliks bilan shartnoma imzolay olmaydi.
Ayni damda vinger «Atletiko» ixtiyorida. Klub futbolchini sotish niyatida.
Portugaliya klubi prezidenti Ruy Koshtaning ta’kidlashicha, «Benfika» futbolchini jamoaga qaytarish istagida bo‘lsada, bunday transferni amalga oshirish uchun moliyaviy imkoniyatlarga ega emas, deb yozadi "Marca" bu haqda.
«»Benfika» «Atletiko» xohlagancha pul to‘lay olmaydi. Biz uni qaytarib olishni xohlaymiz, lekin biz uchun buning iloji yo‘q, - dedi Koshta.
Ispaniya jamoasi Joau Feliks uchun 60 million yevro talab qilmoqda.
Qayd etilishicha, portugaliyalik futbolchini sotib olishga eng ko‘p qiziqish bildirayotgan jamoa «Aston Villa» hisoblanadi.
Futbolchi o‘tgan mavsumni ijara asosida «Barselona»da o‘tkazdi. U La Liganing 30 ta uchrashuvida 7 ta gol urdi va 3 ta golli uzatmani amalga oshirdi.
