"Barselona" tayanch yarim himoyachisi pozisiyasiga yangi o‘yinchi taklif qilish g‘oyasidan voz kechmadi.
“Ko‘k-anorranglilar”ning sobiq murabbiyi Xavi Ernandes bu pozisiyani mustahkamlashni faol ravishda talab qilgandi. Xans-Diter Flikning kelishi bilan bu masala asosiy masala sifatida ko‘rib chiqilmay qoldi, chunki nemis o‘yin tizimida pleymeykerning funksiyalari ikki o‘yinchi o‘rtasida taqsimlanishi mumkin, ammo tayanch zonasini mustahkamlash g‘oyasi to‘liq rad etilmagan.
Mundo Deportivo xabariga ko‘ra, yangi futbolchi xarid qilish bo‘yicha yakuniy qaror mavsumoldi yig‘ini yakunlangandan so‘ng qabul qilinadi. Kataloniya klubi transfer bozorida variantlar izlash o‘rniga, akademiyadagi futbolchilariga ishonch bildirishga qaror qilishi mumkin.
