Fransiyalik sobiq hujumchi Tyerri Anri qanday qilib “Yuventus”dan Londonning “Arsenal” klubiga o‘tganini esladi.
"Kanonirlar" va butun Angliya futboli uchun tarixiy transfer 25 yil oldin amalga oshirilgan. Fransiyalik futbolchi London klubida sakkiz yil o‘ynab, klub tarixidagi eng yaxshi to‘purarga aylandi.
"Venger "Yuventus"ning "Udineze"ga qarshi o‘yinini tomosha qilish uchun kelgandi. O‘yin tugaganidan keyin men Parijga uchdim, Venger ham xuddi shu samolyotda edi. U o‘yinni ko‘rganligini aytdi va biz telefon raqamlarimizni almashdik. U nima uchun qanotda o‘ynashimni umuman tushunmasligini aytdi. O‘sha vaqtda men aslida qanot himoyachisi edim!
Arsenning so‘zlariga ko‘ra, men bu pozisiyada vaqtimni behuda o‘tkazardim - u meni "to‘qqizlik" sifatida ko‘rdi. U yana uchrashish ajoyib bo‘lishini aytdi, qolgani esa tarix", - dedi Anri «Arsenal» rasmiy saytiga bergan intervyusida.
