"Milan"ning sobiq hujumchisi Zlatan Ibrahimovich o‘g‘li Maksimilianga qiyin bo‘lishiga ishonmoqda. Joriy mavsumda u "rossonerilar"ning Italiya uchinchi divizionidagi jamoasida o‘ynaydi.

"Otasi kimligi tufayli unga oson emas. Uning familiyasi og‘ir. Qayerga bormasin, uni doimo solishtirishadi. Ammo "Milan"da men uni boshqalardan farqli ekanini ko‘rmayapman. Men uni o‘g‘limdek qadrlamayman. Men uni boshqa barcha futbolchilar kabi baholayman. U o‘qishi va ishlashi kerak. U ruhiy jihatdan kuchli. Odamlar futbol oson va hamma narsa oson keladi deb o‘ylashadi. Ammo bu unday emas.

U menda bo‘lgan kuchni turli yo‘llar bilan olishi kerak. U qayerdan oladi, siz undan so‘rashingiz kerak. Men faqat ota sifatida gapira olaman. Unga intizom, hurmat va mehnatsevarlikni singdirdim. Agar biror narsani xohlasangiz, buning uchun harakat qilasiz. Ota sifatidagi vazifam uni katta bo‘lganida mustaqil qilish. Agar men uni mustaqil qilmasam, men muvaffaqiyatsizlikka uchragan bo‘laman. Men muvozanatni saqlashga harakat qilaman, chunki yoshligimda otam bugun o‘g‘limga bergan narsamni bera olmasdi. Ammo otam men uchun qo‘lidan kelganini qildi. Men ham o‘g‘illarim uchun shunday qilaman", — deb Ibrahimovich New York Times bilan suhbatda.