"Paxtakor" bugun Superliganing 15-turida "Nasaf" mehmoni bo‘ladi. Chempionat tarixiga nazar solsak, ushbu jamoalar o‘zaro 55 to‘qnashuvda ishtirok etgan. Mavsumning birinchi davrasidagi bahsda esa Akobirxo‘ja Shukurullayev ish olib borgan va unda 0:0 hisobi qayd etilgan.
Bu klublar o‘rtasida eng ko‘p bosh hakamlik qilgan sifatida Ravshan Irmatovni aytish mumkin. Sobiq referi 7 marta bu jamoalar ishtirokidagi o‘yinlarni boshqarib borgan. Shuningdek, Noil Lutfullin 6 bor bu qarama-qarshilikda ish olib borgan.
Bugungi uchrashuvda esa Sultonmurod Abdurahmonov boshchiligidagi hakamlar jamoasi ishlashi ko‘zda tutilgan. U ilk bor mazkur klublar o‘rtasidagi o‘yinni boshqarib boradi.
