"Пахтакор" бугун Суперлиганинг 15-турида "Насаф" меҳмони бўлади. Чемпионат тарихига назар солсак, ушбу жамоалар ўзаро 55 тўқнашувда иштирок этган. Мавсумнинг биринчи даврасидаги баҳсда эса Акобирхўжа Шукуруллаев иш олиб борган ва унда 0:0 ҳисоби қайд этилган.
Бу клублар ўртасида энг кўп бош ҳакамлик қилган сифатида Равшан Ирматовни айтиш мумкин. Собиқ рефери 7 марта бу жамоалар иштирокидаги ўйинларни бошқариб борган. Шунингдек, Ноил Лутфуллин 6 бор бу қарама-қаршиликда иш олиб борган.
Бугунги учрашувда эса Султонмурод Абдураҳмонов бошчилигидаги ҳакамлар жамоаси ишлаши кўзда тутилган. У илк бор мазкур клублар ўртасидаги ўйинни бошқариб боради.
