Fabiu Karvalyu “Liverpul”ni butunlay tark etadi.

Insayder Fabrisio Romanoning ta’kidlashicha, mersisaydliklar vingerni "Brentford"ga sotishadi. Portugaliyalik uchun "qizillar" 20 million funt oladi, shuningdek, 7,5 million bonuslar ham bor, bundan tashqari, "Liverpul" futbolchining keyingi sotilgan summasining 17,5 foizini oladi.

Karvalyu allaqachon "Brentford"ning taklifini qabul qilgan va tez orada tibbiy ko‘rikdan o‘tadi.

Qanot futbolchisi 2022/23 yilgi mavsumda "Liverpul"ga o‘tgandi. U oxirgi yilni ijarada o‘tkazdi: avvaliga "Leypsig", keyin "Xall Siti"da.