Parij-2024 yozgi Olimpiya o‘yinlarida ishtirok etgan O‘zbekiston delegasiyasi a’zolari bugun yurtimizga yetib keladi
XXXIII yozgi Olimpiadada tarixiy natija ko‘rsatib, O‘zbekiston sharafini munosib himoya qilgan, yurt bayrog‘ini ko‘klarga ko‘targan sportchilarimiz bugun soat 19:00 da O‘zbekistonga yetib keladi.
Prezident Shavkat Mirziyoyevning topshirig‘iga asosan, chempionlar Toshkent ayeroportida (Terminal-3) tantanali kutib olinadi.
AYEroportda o‘tkaziladigan tantanali kutib olish marosimidan so‘ng, sportchilarimiz o‘tirgan avtobus kortejlari shahar bo‘ylab harakatlanadi
Chempionlarni munosib kutib olish maqsadida mas’ullar zarur tayyorgarliklarni ko‘rishmoqda. Videoda chempionlarning korteji shahar bo‘ylab harakatlanadigan yo‘nalish ko‘rsatib berilgan.
Rasmdagi doira shaklida belgilangan nuqtalarda esa yurtdoshlarimiz xavfsizlik chora-tadbirlariga qat’iy rioya qilgan holda chempionlarni g‘alabalar bilan qutlashlari mumkin.
