"Liverpul"ning sobiq himoyachisi, hozirda futbol eksperti bo‘lib ishlayotgan Jeymi Karrager "Nyukasl" yarim himoyachisi Entoni Gordon haqida gapirdi.
"Gordon har qanday klub uchun ajoyib transfer bo‘ladi. Aslida u "Nyukasl" uchun ajoyib xaridga aylandi. Men Entonini anchadan beri bilaman, biz yaqin joyda yashaymiz, uning qarindoshlarini bilaman. Aytishim kerakki, men doim Entoni Gordonning iqtidoriga ashaddiy muxlislik qilganman", - dedi Karrager Goal bilan suhbatda.
Eslatib o‘tamiz, o‘tgan klub mavsumida Gordon barcha turnirlarda 49 ta o‘yinda qatnashib, 12 ta gol va 11 ta golli uzatmani amalga oshirgan. Futbolchining klub bilan amaldagi mehnat shartnomasi 2026 yilning yoziga qadar amal qiladi. Transfermarkt portalida berilgan ma’lumotlarga ko‘ra, futbolchining bozor qiymati 60 million yevroni tashkil qiladi.
