"Ливерпул"нинг собиқ ҳимоячиси, ҳозирда футбол эксперти бўлиб ишлаётган Жейми Каррагер "Ньюкасл" ярим ҳимоячиси Энтони Гордон ҳақида гапирди.
"Гордон ҳар қандай клуб учун ажойиб трансфер бўлади. Аслида у "Ньюкасл" учун ажойиб харидга айланди. Мен Энтонини анчадан бери биламан, биз яқин жойда яшаймиз, унинг қариндошларини биламан. Айтишим керакки, мен доим Энтони Гордоннинг иқтидорига ашаддий мухлислик қилганман", - деди Каррагер Goal билан суҳбатда.
Эслатиб ўтамиз, ўтган клуб мавсумида Гордон барча турнирларда 49 та ўйинда қатнашиб, 12 та гол ва 11 та голли узатмани амалга оширган. Футболчининг клуб билан амалдаги меҳнат шартномаси 2026 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 60 миллион еврони ташкил қилади.
