“Atletiko” hujumchisi Samuel Omorodion hali ham jamoani tark etishi mumkin. Yaqinda ispaniyalik Londonning "Chelsi"siga o‘tishga yaqin turgandi, biroq so‘nggi lahzada kelishuv barbod bo‘ldi.

Football Insider ma’lumotlariga ko‘ra, ayni damda Omorodion uchun kurashda ikki klub peshqadamlik qilmoqda - Italiyaning "Napoli" va Germaniyaning "RB Leypsig". Oldinroq "Chelsi" 40 million yevro evaziga kelishib olgandi. Xuddi shu pul evaziga "Atletiko" futbolchini boshqa jamoaga qo‘yib yuborishga tayyor.

O‘tgan mavsumda Omorodion "Alaves" safida ijara asosida o‘ynadi va u Ispaniya chempionatida 8 ta gol urdi. 20 yoshli Samuel haligacha "Atletiko" libosida biror o‘yin o‘tkazmagan.