"Manchester Siti" ishi bo‘yicha tinglovlar yaqin oylarda boshlanadi.

Ma’lumki, 2023 yilning fevralida klub 115 marta moliyaviy qoidalarni buzganlikda ayblangan edi. Bu yil yozda APLda ishlagan yoki ishlayotgan klublar xo‘jayinlari va menejerlari o‘z fikrlari bilan o‘rtoqlashdi. Ko‘pchilik buni anonim ravishda qildi.

The Athletic nashri hisobotida ta’kidlanishicha, bir guruh odamlar "Manchester Siti"ga sport sanksiyalari o‘rniga pul jarimasi qo‘llanilishi ehtimolidan xavotirda. Bu mansabdorlar guruhi ishning ko‘lamini hisobga olsak, bunday qaror g‘ayritabiiy bo‘ladi, deb hisoblaydi.

"Men eshitgan jamoaviy nuqtai nazarga ko‘ra, "Manchester Siti"dan juda ko‘p ochko olib qo‘yilishi kerak - 70-80. Bu ularning Chempionshipga tushib ketishini ta’minlaydi", - dedi Premyer-liga klubi rahbarlaridan biri.

Yana bir funksioner jazo yanada kreativ bo‘lishini taklif qildi – keyingi uch mavsumning har birida "Manchester Siti"dan ochkolar olib qo‘yilishi mumkin. Bu esa jamoaning Chempionlar ligasiga yo‘l olish imkoniyatiga putur yetkazadi.