17-avgustdan 18-avgustga o‘tar kechasi Pert shahrida (Avstraliya) UFC 305 turniri bo‘lib o‘tdi, uning asosiy jangida janubiy afrikalik Drikus dyu Plessi va Yangi Zelandiya vakili Isroil Adesanya to‘qnash kelishdi.
O‘rta vazn toifasida chempionlik kamari so‘roq ostida edi. Jang to‘rtinchi raundda dyu Plessining g‘alabasi bilan yakunlandi.
Turnir yakunlangach, Isroil mag‘lubiyatga izoh berdi.
"Men Drikus qanchalik sovuqqon ekanini bilardim, nimaga duch kelishimni bilardim. Men jangda g‘alaba qozonayotgan edim, lekin bitta ahmoqona xato hamma narsani buzdi.
O‘zimdan hafsalam pir bo‘ldi. Lekin men yaxshi edim, jang oldidan ham, jang paytida ham o‘zimni ajoyib his qildim.
Ko‘p odamlar mendan nafratlanadi va mag‘lubiyatdan xursand bo‘ladi, lekin men tirikman va hali qaytib kelaman", dedi Adesanya jangdan keyin.
