17-августдан 18-августга ўтар кечаси Перт шаҳрида (Австралия) UFC 305 турнири бўлиб ўтди, унинг асосий жангида жанубий африкалик Дрикус дю Плесси ва Янги Зеландия вакили Исроил Адесанья тўқнаш келишди.
Ўрта вазн тоифасида чемпионлик камари сўроқ остида эди. Жанг тўртинчи раундда дю Плессининг ғалабаси билан якунланди.
Турнир якунлангач, Исроил мағлубиятга изоҳ берди.
"Мен Дрикус қанчалик совуққон эканини билардим, нимага дуч келишимни билардим. Мен жангда ғалаба қозонаётган эдим, лекин битта аҳмоқона хато ҳамма нарсани бузди.
Ўзимдан ҳафсалам пир бўлди. Лекин мен яхши эдим, жанг олдидан ҳам, жанг пайтида ҳам ўзимни ажойиб ҳис қилдим.
Кўп одамлар мендан нафратланади ва мағлубиятдан хурсанд бўлади, лекин мен тирикман ва ҳали қайтиб келаман", деди Адесанья жангдан кейин.
