Erling Xoland "Chelsi" ustidan qozonilgan g‘alabadan so‘ng o‘z fikrlarini bildirib o‘tdi.

APLning yangi mavsumidagi ilk uchrashuvda “Manchester Siti” 2:0 hisobida zafar quchdi. Uchrashuvning 18-daqiqasida Xoland hisobni ochdi.

"Uch ochko - ajoyib boshlanish. Dastlabki o‘yinlarda har doim qiyin bo‘ladi – mavsumoldi tayyorgarlikni qanday ko‘rganingiz muhim emas. Mavsumga uzoq tayyorgarlik ko‘rdim, lekin o‘zimni mukammal his qilmayapman, eng yaxshi formamda emasman. Bu g‘alabani qo‘lga kiritish juda yoqimli.

Men nima qilishni aniq bilardim, menimcha, bu juda yaxshi gol edi. Esimda, o‘tgan yili darvozabon mening zarbamdan keyin ajoyib seyv qilgan va bu meni uzoq vaqt bezovta qilgandi.

Eng yaxshi o‘yinchilar eng oddiy narsalarda ham yaxshi bo‘lishadi. O‘ng oyoq bilan teping va chap bilan uzating. Bu muhim. Pep menga buni doim aytadi. Men o‘yinda ko‘proq ishtirok etishni xohlayman - Gvardiola mendan shuni talab qilmoqda. Ammo bugungi kabi o‘yinlarda buni qilishim kerakmi? Bu million dollarlik savol. Men ko‘proq golli uzatmaga ega bo‘lishni va yaxshi futbolchi bo‘lishni xohlayman" - dedi “Manchester Siti” hujumchisi Sky Sports nashriga.