Эрлинг Холанд "Челси" устидан қозонилган ғалабадан сўнг ўз фикрларини билдириб ўтди.
АПЛнинг янги мавсумидаги илк учрашувда “Манчестер Сити” 2:0 ҳисобида зафар қучди. Учрашувнинг 18-дақиқасида Холанд ҳисобни очди.
"Уч очко - ажойиб бошланиш. Дастлабки ўйинларда ҳар доим қийин бўлади – мавсумолди тайёргарликни қандай кўрганингиз муҳим эмас. Мавсумга узоқ тайёргарлик кўрдим, лекин ўзимни мукаммал ҳис қилмаяпман, энг яхши формамда эмасман. Бу ғалабани қўлга киритиш жуда ёқимли.
Мен нима қилишни аниқ билардим, менимча, бу жуда яхши гол эди. Эсимда, ўтган йили дарвозабон менинг зарбамдан кейин ажойиб сейв қилган ва бу мени узоқ вақт безовта қилганди.
Энг яхши ўйинчилар энг оддий нарсаларда ҳам яхши бўлишади. Ўнг оёқ билан тепинг ва чап билан узатинг. Бу муҳим. Пеп менга буни доим айтади. Мен ўйинда кўпроқ иштирок этишни хоҳлайман - Гвардиола мендан шуни талаб қилмоқда. Аммо бугунги каби ўйинларда буни қилишим керакми? Бу миллион долларлик савол. Мен кўпроқ голли узатмага эга бўлишни ва яхши футболчи бўлишни хоҳлайман" - деди “Манчестер Сити” ҳужумчиси Sky Sports нашрига.
