«Barselona» yarim himoyachisi Ilkay Gyundogan faoliyatini Yevropada davom ettirishni rejalashtirmoqda.

«Ko‘k-anorranglilar» nemis futbolchisi bilan xayrlashishga tayyor va u uning ketishi g‘oyasini qo‘llab-quvvatlamoqda. Gyundoganga Saudiya Arabistonining nomi oshkor etilmagan klubi qiziqish bildirmoqda va «Barselona» bunday kelishuvga erishishdan xursand bo‘lardi, ammo yarim himoyachining o‘zi Yevropani tark etishni umuman istamayapti, deya xabar beradi jurnalist Lou Martin. «Manchester Siti»ning sobiq sardori Yevropaning top chempionatlaridan birida o‘ynashni davom ettirmoqchi.

Ba’zi ma’lumotlarga ko‘ra, Ilkay Gyundogan «Barselona» uni transfer narxisiz qo‘yib yuborishga rozi bo‘lsa, «Manchester Siti»ga qaytishi mumkin.