"Manchester Siti" yarim himoyachisi Fil Foden PFA talqini bo‘yicha Angliya Premyer-ligasida yilning eng yaxshi futbolchisi deb topildi. 24 yoshli angliyalik "shaharliklar"ga yana chempionlik unvonini qo‘lga kiritishda yordam berdi.
Aynan Foden Premyer-liga tomonidan o‘tgan mavsumning eng yaxshi o‘yinchisi deb tan olindi, ammo endi hujumkor yarim himoyachining shaxsiy mukofotlari to‘plami yana to‘ldirildi. U PFA talqiniga ko‘ra Premyer-ligada yilning eng yaxshi o‘yinchisi sovrinini oldi.
Ushbu toifadagi g‘olibni o‘yinchilarning o‘zlari tanlaydi. Fil Foden 2023/24 yilgi Premyer-ligada 19 ta gol va 8 ta golli uzatmaga ega.