O‘yinchining sakrashidan u tez orada jarohat olish- olmasligini 70 foiz aniqlik bilan bashorat qilsa bo‘ladi.

Aynan shu kabi ilmiy isbotlarni oldinga surgan “Milan” izlanish laboratoriyasi jamoani futboldagi ma’lumotlar ilmi (data science) sohasida eng ildam jamoalardan biriga aylantirdi.

“Real Madrid” tarkibida ikki marotaba Chempionlar Ligasida chempionlikka erishgan Fernando Redondoni 2000 yil yanvar oyida “Milan” katta pulga (11 mln funt sterling) sotib oladi ammo afsuski, mashg‘ulot paytida oddiy yugurish yo‘lakchasida jarohatlanib qoladi va 837 kunga safdan chiqadi.

Bu esa tabiiyki “Milan” mutasaddilariga yoqmaydi hamda ushbu hodisa jamoada katta o‘zgarishlarga asos soladi.

Tibbiyot laboratoriyaga katta sarmoya kiritiladi, har bir o‘yinchi ustida jismoniy testlar oltb boriladi va databaza (ma’lumotlar bazasi) yaratiladi.
2013 yilgacha 1.2 million jismoniy test o‘tkazilgan.

Mirsman qo‘li ostida bu laboratoriya “Milanga” 2000-2010 klub tarixidagi eng muvaffaqiyatli davrlaridan biri bo‘lishiga sababchi bo‘ladi. Ko‘rikdan o‘tgan yangi o‘yinchini sotib olish yoki olmaslik qarori murabbiydan oldin aynan Mirsman “qo‘lidan o‘tardi”.

Laboratoriya ma’lumotlar bilan ishlashda shunchalik samarali faoliyat olib bordiki, hatto yoshi katta o‘yinchilarni ham qo‘rqmay sotib olishdi.

Masalan, Kafu Romadan 32 yoshida sotib olinadi va besh yil yuqori formada o‘ynab berdt. Devid Bekhem ham bunga misol bo‘la oladi. (Qiziq ma’lumot: Mirsman Bekhemga 38 yoshigacha o‘ynashni maslahat beradi va o‘yinchi o‘sha yoshida futboldan ketadi.)

2007 yilgi Chempionlar Ligasi finalida Liverpulga qarshi maydonga tushgan o‘yinchilarning hammasi 31 yoki undan katta bo‘lishgan! Jamoa sardori Maldini 38 yosh, Inzagi 33 yoshida o‘yindagi ikkita golni ham urgan holda jamoa chempilnlikni qo‘lga kiritadi. Bu sovrinni “Milanning laboratoriyasi va ma’lumotlar bazasi yutdi” deydi “Soccernomics” muallifi.