"Liverpul" futbol klubi gruziyalik darvozabon Giorgi Mamardashvili bilan shartnoma imzolaganini rasman e’lon qildi.
Bitim summasi turli bonuslarni hisobga olgan holda 35 million yevroga yetishi mumkin. Biroq, 23 yoshli darvozabon ingliz klubiga qo‘shilishdan oldin yana bir mavsum "Valensiya"da qoladi.
Mamardashvili ijtimoiy tarmoqlar orqali "Valensiya" va uning muxlislariga bo‘lgan his-tuyg‘ularini bildirdi.
"Bu klub haqida minnatdorchilik bildirmasdan iloj yo‘q. Bu yerda bo‘lganimning birinchi kunidanoq his qilgan doimiy qo‘llab-quvvatlash va muhabbatingiz uchun tashakkur", — deb yozdi Mamardashvili.