"Ливерпуль" футбол клуби грузиялик дарвозабон Гиорги Мамардашвили билан шартнома имзолаганини расман эълон қилди.
Битим суммаси турли бонусларни ҳисобга олган ҳолда 35 миллион еврога етиши мумкин. Бироқ, 23 ёшли дарвозабон инглиз клубига қўшилишдан олдин яна бир мавсум "Валенсия"да қолади.
Мамардашвили ижтимоий тармоқлар орқали "Валенсия" ва унинг мухлисларига бўлган ҳис-туйғуларини билдирди.
"Бу клуб ҳақида миннатдорчилик билдирмасдан илож йўқ. Бу ерда бўлганимнинг биринчи куниданоқ ҳис қилган доимий қўллаб-қувватлаш ва муҳаббатингиз учун ташаккур", — деб ёзди Мамардашвили.
