"Barselona" vingeri Rafinya faoliyati davomida duch kelgan muammolar haqida gapirdi.
"Agar siz ko‘p mehnat qilsangiz va futbolchilik faoliyatini qurmoqchi bo‘lsangiz, taslim bo‘lolmaysiz. Menda taslim bo‘lish, futbolni tark etish va hayotimni davom ettirish uchun ko‘p sabablar bor edi. Bu sizni yo‘q qiladigan kasb.
Uyga kelib, ertasi kuni ertalab mashg‘ulotlarga borishimni bilmay qolgan paytlarim bo‘lgan. Men yig‘lardim va bu "Barselona"da ham sodir bo‘ldi. Men psixolog bilan ishlayapman, chunki bu qanchalik muhimligini angladim. Har kim buni qilishi kerak, chunki bu juda ko‘p yordam beradi.
Agar o‘zingga g‘amxo‘rlik qilmasang, futbol seni yo‘q qiladi. Tushkunlikka tushish va hamma narsadan voz kechish juda oson", - dedi Rafinya ESPN bilan suhbatda.
La Liganing joriy mavsumida braziliyalik futbolchi to‘rtta o‘yinda uchta gol va ikkita golli uzatmani amalga oshirdi.
