"Manchester Siti" himoyachisi Kayl Uoker Angliya terma jamoasiga qaytish uchun kurashadi.
O‘tgan hafta Angliya terma jamoasining vaqtinchalik bosh murabbiyi Li Karsli Millatlar ligasi doirasida Irlandiya va Finlyandiyaga qarshi o‘yinlarga chaqirilgan futbolchilar nomini e’lon qildi va Uoker ro‘yxatda yo‘q edi.
Uokerning xalqaro maydondagi istiqbollari juda xira ko‘rinadi, chunki Kayl allaqachon 34 yoshda va Karslining o‘ng orqasida Tino Livramento, Trent Aleksandr-Arnold va Riko Lyuis bor.
Uoker Karslining qarorini hurmat qiladi, biroq shu bilan birga u hali ham jamoa uchun yetarli ekanligini isbotlamoqchi.
"Bu g‘azablantiradi, lekin buni qabul qilish va ularning noto‘g‘ri ekanligini isbotlash kerak.
Yangi murabbiy kelganida doim o‘zgarishlar kutasiz.
Men xafaman, chunki mamlakatingiz vakili bo‘lish har doim eng oliy sharafdir. Lekin bu mavsumda men bir daqiqa ham o‘ynamadim, shuning uchun bu qarorni to‘g‘ri qabul qilishim kerak.
Men ta’tildan qaytganimdan beri hech qanday darajada o‘ynamadim, shuning uchun Karsli to‘g‘ri qaror qildi deb o‘ylayman" - dedi Uoker The Sun nashriga.
