Karlo Anchelottining "Real" bilan amaldagi shartnomasi 2026 yilning o‘rtalariga qadar tuzilgan. Biroq italiyalik mutaxassis Madrid klubidagi murabbiylik kursini ertaroq tark etishi mumkin.
Goal portalining xabar berishicha, Anchelotti kelajagi borasida o‘z imkoniyatlarini ko‘rib chiqmoqda va Saudiya Arabistoniga ko‘chib o‘tish haqida o‘ylamoqda. U yerda top-murabbiy tez rivojlanayotgan, nomi oshkor etilmagan loyihaga qo‘shilishi mumkin. Shu bilan birga, "Real" Anchelottisiz kelajak uchun rejalar tuzayotgani ta’kidlangan.
"Los-Blankos" hozirda "Bayer"ni boshqarayotgan Xabi Alonsoni italiyalik murabbiyning ideal davomchisi sifatida ko‘rmoqda.
