Erik ten Xag "Manchester Yunayted"ning ambisiyalari haqida gapirdi.
"Futbolda g‘alaba qozonish kerak, natija ko‘rsatish kerak, bu aniq. Yangi rahbariyat bundan xabardor bo‘lgani va bu haqda gapirayotgani yaxshi. Biz yanada katta muvaffaqiyatlarga erishish uchun birgalikda harakat qilamiz. Biz erishgan maqsadlarimizdan ham yuqoriroq maqsadlarga egamiz.
So‘nggi sakkiz-to‘qqiz oy ichida klubda ko‘p narsa sodir bo‘lganini hech kim inkor eta olmaydi: yangi boshqaruv jamoasi, jarayonlarning yangi tashkil etilishi va mulkchilik tuzilmasi. Men juda katta burilish bo‘lganini aytgan bo‘lardim”, - dedi «Manchester Yunayted» bosh murabbiyi.
Eslatib o‘tamiz, dastlabki uch turdan keyin «Manchester Yunayted» 3 ochko bilan APL turnir jadvalida 14-o‘rinda bormoqda.
