Эрик тен Хаг "Манчестер Юнайтед"нинг амбициялари ҳақида гапирди.
"Футболда ғалаба қозониш керак, натижа кўрсатиш керак, бу аниқ. Янги раҳбарият бундан хабардор бўлгани ва бу ҳақда гапираётгани яхши. Биз янада катта муваффақиятларга эришиш учун биргаликда ҳаракат қиламиз. Биз эришган мақсадларимиздан ҳам юқорироқ мақсадларга эгамиз.
Сўнгги саккиз-тўққиз ой ичида клубда кўп нарса содир бўлганини ҳеч ким инкор эта олмайди: янги бошқарув жамоаси, жараёнларнинг янги ташкил этилиши ва мулкчилик тузилмаси. Мен жуда катта бурилиш бўлганини айтган бўлардим”, - деди «Манчестер Юнайтед» бош мураббийи.
Эслатиб ўтамиз, дастлабки уч турдан кейин «Манчестер Юнайтед» 3 очко билан АПЛ турнир жадвалида 14-ўринда бормоқда.
