"Barselona"ning braziliyalik hujumchisi Rafinya kataloniyaliklar klubida o‘ynayotganida qanday his-tuyg‘ularni boshdan kechirishi haqida gapirdi.
Futbolchi bunday jamoaga kelishi juda mushkul ish, biroq tarkibdan o‘rin egallash undan ham qiyinroq ekanini tan oldi. Uning ta’kidlashicha, klub ajoyib darajada raqobatbardosh.
“Agar siz shu yerda bo‘lsangiz, bu sizning ichingizda nimadir borligini anglatadi. Demak, klubga nimadir berib, yangi narsa olib kelish mumkin... "Barselona"ga kelish oson emas. Bu yerga kelib, nima uchun bu yerga kelganingizni ko‘rsatsangiz, bu ancha osonlashadi", - deya futbolchining so‘zlaridan iqtibos keltiradi «Barselona» matbuot xizmati.
