"Барселона"нинг бразилиялик ҳужумчиси Рафинья каталонияликлар клубида ўйнаётганида қандай ҳис-туйғуларни бошдан кечириши ҳақида гапирди.
Футболчи бундай жамоага келиши жуда мушкул иш, бироқ таркибдан ўрин эгаллаш ундан ҳам қийинроқ эканини тан олди. Унинг таъкидлашича, клуб ажойиб даражада рақобатбардош.
“Агар сиз шу ерда бўлсангиз, бу сизнинг ичингизда нимадир борлигини англатади. Демак, клубга нимадир бериб, янги нарса олиб келиш мумкин... "Барселона"га келиш осон эмас. Бу ерга келиб, нима учун бу ерга келганингизни кўрсатсангиз, бу анча осонлашади", - дея футболчининг сўзларидан иқтибос келтиради «Барселона» матбуот хизмати.
