"Monako" bosh murabbiyi Adolf Xyutter Chempionlar ligasining 1-turida "Barselona" bilan uy uchrashuvidan oldingi fikrlari bilan o‘rtoqlashdi.

12 avgust kuni "Monako" mavsumoldi "Gamper kubogi" doirasida Kataloniya klubini mag‘lub etdi (3:0).

"Biz bu o‘yinni namuna sifatida qabul qila olmaymiz, chunki o‘shandan beri "Barselona" beshta o‘yinda beshta g‘alaba qozondi. O‘ylashimcha, "Barselona"ga "Gamer kubogi"da omad kulib boqmadi. O‘shandan beri ishlar juda o‘zgardi, Flik o‘z tizimini ancha yaxshi amalga oshirishga muvaffaq bo‘ldi, lekin biz ham o‘yinga tayyormiz.

"Barselona"ga qarshi himoyalanish oson emas, biz buni jamoa bo‘lib bajarishimiz va bir yo‘nalishda harakat qilishimiz kerak. Biz jasoratli bo‘lishimiz va borimizni berishimiz kerak, chunki biz nafaqat Lamin Yamal, balki Rafinya, Levandovski, Ferran Torresni ham qo‘riqlashimish kerak... Bu muvaffaqiyat kaliti", - dedi Xyutter matbuot anjumanida.

Jamoalar o‘rtasidagi o‘yin 19 sentyabr kuni Monakoda bo‘lib o‘tadi va Toshkent vaqti bilan soat 23:59da boshlanadi.