Angliya futbolida beshinchi tur o‘yinlari bo‘lib o‘tmoqda.
"Sautgempton" "Ipsvich" bilan kurashdi, ammo raqibini mag‘lub eta olmadi.
Uchrashuvdan so‘ng "avliyolar" ustozi Rassell Martin uchrashuv natijalaridan hafsalasi pir bo‘lganini yashirmadi.
"Men juda jahldorman va xafaman. O‘ylaymanki, futbolchilar ham o‘zlarini xuddi shunday his qilishadi.
Tajriba yo‘qligi va vaziyatlarga e’tiborsizlik tufayli javob golini o‘tkazib yubordik. Mashg‘ulotlarda yo‘l qo‘ymagan xatolarga yo‘l qo‘ydik.
Biroq, o‘yin bizga ko‘plab muhim narsalarni o‘rgatdi", - deya Martinning so‘zlarini keltiradi BBC Sport.
