Kataloniyaning "Barselona" klubi bosh murabbiyi Xans-Diter Flik jamoaga taklif qilmoqchi bo‘lgan tajribali darvozabonni tanladi. Eslatib o‘tamiz, asosiy darvozabon Mark-Andre ter Shtegen jarohati sabab mavsumning qolgan qismini o‘tkazib yuborishi mumkin.
Jurnalist Fernando Polo bergan ma’lumotlarga ko‘ra, "Barselona"da hozirda erkin agent maqomida bo‘lgan futbolchilarni sotib olish uchun ikkita variant bor. Gap "Real"ning sobiq darvozaboni Keylor Navas, shuningdek, yozda professional faoliyatini yakunlagan Voysex Shesni haqida ketmoqda.
Manbaga ko‘ra, Flik "Barselona"da o‘ynash uchun futbolga qaytishga tayyor bo‘lgan Shesnini o‘z jamoasida ko‘rmoqchi.
