“Manchester Yunayted” yarim himoyachisi Manuel Ugarte Yevropa ligasi doirasida “Tvente”ga qarshi o‘yinda (1:1) omadsiz o‘yin ko‘rsatganini tan oldi.
Urugvaylik futbolchi “qizil iblislar” safida ilk bor butun o‘yinni o‘tkazdi, biroq Yevropa Ligasi umumiy bosqichining birinchi davra uchrashuvida jamoasining g‘alaba qozonishiga yordam bera olmadi.
"Men birinchi bo‘lib o‘z-o‘zini tanqid qilishga murojaat qilaman. Shaxsiy nuqtai nazardan bu mening eng yaxshi o‘yinim emas edi. Biz ishlashda davom etishimiz kerak", - dedi 23 yoshli himoyachi.
Ugarte avgust oyi oxirida "PSJ"dan "Manchester Yunayted"ga 50 million yevro evaziga sotib olingandi.
