“Манчестер Юнайтед” ярим ҳимоячиси Мануэль Угарте Европа лигаси доирасида “Твенте”га қарши ўйинда (1:1) омадсиз ўйин кўрсатганини тан олди.
Уругвайлик футболчи “қизил иблислар” сафида илк бор бутун ўйинни ўтказди, бироқ Европа Лигаси умумий босқичининг биринчи давра учрашувида жамоасининг ғалаба қозонишига ёрдам бера олмади.
"Мен биринчи бўлиб ўз-ўзини танқид қилишга мурожаат қиламан. Шахсий нуқтаи назардан бу менинг энг яхши ўйиним эмас эди. Биз ишлашда давом этишимиз керак", - деди 23 ёшли ҳимоячи.
Угарте август ойи охирида "ПСЖ"дан "Манчестер Юнайтед"га 50 миллион евро эвазига сотиб олинганди.
