Huquqlari "Chelsi"ga tegishli bo‘lgan serbiyalik "Strasburg" darvozaboni Jorje Petrovich ijara muddati tugagach, London klubiga qaytganidan so‘ng, "ko‘klar"ning asosiy darvozaboni bo‘lish niyatida ekanligini ma’lum qildi.
"Mening maqsadim - "Chelsi"da doimiy birinchi raqamli futbolchiga aylanish. Bu dunyoning eng yaxshi jamoalaridan biri va umid qilamanki, bu sodir bo‘ladi", - dedi Petrovich.
O‘tgan mavsumda 24 yoshli darvozabon "Chelsi" safida barcha turnirlar doirasida 31ta o‘yin o‘tkazib, 7ta uchrashuvda darvozasi daxlsizligini saqlab qolgan holda 44ta gol o‘tkazib yuborgan. Bu mavsumda Petrovich Liga 1da "Strasburg"ning 3 ta uchrashuvida 4 ta gol o‘tkazib yubordi.
