Madridning «Atletiko» klubi darvozaboni Yan Oblak UYEFA Chempionlar ligasi umumiy bosqichi 2-turida Lissabonning «Benfika» klubiga qarshi kechgan halokatli o‘yindan so‘ng o‘z fikrlarini bildirib o‘tdi.
«Bunday o‘yinlar ba’zida bo‘lib turadi, lekin biz bunga yo‘l qo‘ymasligimiz kerak. Jamoa maydonda yomon harakat qildi. «Atletiko»ning bunday mag‘lubiyatga uchrashini qabul qilib bo‘lmaydi, bizda hech qanday bahona yo‘q. Biz bu natijani qabul qilib, ishlashda davom etishimiz kerak. Bu dam olish kunlari bizni muhim o‘yin kutib turibdi», - dedi sloveniyalik darvozabon.
